Viltu halda erindi á ICA ráðstefnunni í Reykjavík í september 2015?

Þjóðskjalasafn Íslands skipuleggur og heldur þriðju árlegu ráðstefnu Alþjóðaskjalaráðsins ICA í Reykjavík 28. og 29. september í ár. Yfirskrift ráðstefnunnar er Archives: Evidence, Security and Civil Rights. Ensuring trustworthy information.

Ráðstefnan mun fara fram á Hilton Reykjavík Nordica Hótel. Við eigum von á 400 til 500 ráðstefnugestum hvaðanæva að úr heiminum. Þetta er því einstakt tækifæri fyrir þá sem starfa við skjalavörslu og skjala- og upplýsingastjórnun hér á landi til að kynnast því sem efst er á baugi á þessu sviði.

Ráðstefnan er jafnframt tækifæri til þess að taka þátt í umræðunni með því að halda þar erindi. Fram til loka febrúarmánaðar er hægt að senda inn tillögur að fyrirlestrum. Við hvetjum eindregið til þess að sem flestir geri það og stuðli þannig að góðri umræðu um mikilvæg málefni.

Kynnið ykkur efni ráðstefnunnar nánar á heimasíðu ráðstefnunnar www.ica2015.is. Þar er hægt að senda inn tillögur að erindum með rafrænum hætti.

Skráning er hafin á jólafund félagsins sem verður haldinn í Turninum Garðatorgi (bæjarskrifstofur) í Garðabæ  fimmtudaginn 20. nóvember n.k. frá kl.16.00-19.00.

Hönnunarsafn Íslands mun byrja á því að bjóða leiðsögn um safnið kl.16.00 en á safninu eru tvær sýningar í gangi: „Ertu tilbúin frú forseti?“ og „Prýði“, sjá nánar á http://www.honnunarsafn.is/is.

Rithöfundurinn Steinar Bragi mun lesa upp úr nýjustu bók sinni Kata og svara nokkrum spurningum í kjölfarið. Boðið verður uppá léttar veitingar.

·         Kl.16.00 mæting við Hönnunarsafn Íslands (Garðatorg 1).

·         Kl.17.00 mæting á bæjarskrifstofur Garðabæjar (Garðatorg 7).

Næg bílastæði eru í bílastæðahúsi við Garðatorg, ekið inn frá Vífilsstaðavegi úr vesturátt, einnig eru stæði á torginu sjálfu sjá á korti hér

Við vonumst til þess að sjá ykkur sem flest!

Félag um skjalastjórn óskar félagsmönnum öllum og fjölskyldum þeirra gleðilegra jóla og farsældar á komandi ári með von um áhugaverð og fræðandi samskipti á nýju ári.


Skráning er hafin á jólafund félagsins sem verður haldinn fimmtudaginn 20. nóvember n.k. frá kl.17.00-19.00.

Rithöfundurinn Steinar Bragi mun lesa upp úr nýjustu bók sinni Kata og svara nokkrum spurningum í kjölfarið. Boðið verður uppá léttar veitingar.

Við vonumst til þess að sjá ykkur sem flest!

Staðsetning tilkynnt síðar.

DAGUR UPPLÝSINGATÆKNINNAR 2014

"Byggjum, tengjum og tökum þátt"

27. nóvember kl. 13:00-17:00 á Grand hótel

Dagur upplýsingatækninnar (UT-dagurinn) hefur verið haldinn árlega frá árinu 2006 af stjórnvöldum. Tilgangur dagsins er að fjalla um það sem er efst á baugi hverju sinni hjá stjórnsýslunni. UT-dagurinn 2014 er tileinkaður þeim verkefnum sem eru í gangi skv. upplýsingatæknistefnu stjórnvalda og eru á framkvæmdastigi.

Sjá dagskrá hér

Heil og sæl

Athygli er vakin á ráðstefnu á vegum Upplýsingafræði við HÍ sem haldin verður 7. nóvember nk. í stofu 300 á 3ju hæð á Háskólatorgi. Á ráðstefnunni verða kynnt lokaverkefni nemenda í framhaldsnámi í greininni. Dagskrá verður kynnt síðar.

 

 

Copyright © 2016 IRMA. All Rights Reserved. Hönnuð af Davið og Golíat.

Félag um skjalastjórn kt. 580189-2029 Pósthólf 8731, 128 Reykjavík