Á fræðslufundi Félags um skjalastjórn sem haldinn var fimmtudaginn 22. febrúar kl. 12 Þjóðskjalasafni Íslands fjallaði Ásgerður Kjartansdóttir skjalastjóri hjá Landsneti um nýju persónuverndarlögin og áskoranir tengdar upplýsinga- og skjalastjórn í tengslum við þau, ásamt því að kynna fyrir okkur vegferð Landsnets við innleiðingu í kjölfar komu þessarra nýju laga.
Njörður Sigurðsson, sviðsstjóri hjá Þjóðskjalasafni fjallaði um réttinn til að gleymast og fór yfir áhrif nýrrar persónuverndarlöggjafar á skjalasöfn afhendingaskyldra aðila.
Fræðslufundurinn var afar vel sóttur, en færri komust að en vildu í sal Þjóðskjalasafns og fylgdust fjölmargir með í streymi.