Næsti fræðslufundur Félags um skjalastjórn verður haldinn þriðjudaginn 23. febrúar kl. 15  á Teams.

Gyða Ragnheiður Bergsdóttir, lögfræðingur mun koma og fræða okkur um persónuvernd og öryggisbresti.

Í erindinu verður fjallað um þá skyldu sem lögð var á ábyrgðaraðila með núgildandi persónuverndarlögum nr. 90/2018 að tilkynna öryggisbresti til Persónuverndar, og undantekningar frá henni.

Gerð verður meðal annars grein fyrir þeim kröfum sem tilkynningar um öryggisbresti verða að uppfylla, verklagi við meðferð þeirra hjá Persónuvernd og helstu tegundum þeirra öryggisbresta sem tilkynntir eru til stofnunarinnar. Þá verður sýnd tölfræði yfir þá 217 öryggisbresti sem tilkynntir voru til Persónuverndar á árinu 2020, en þar er annars vegar greint á milli öryggisbresta eftir tilkynnendum þeirra og hins vegar eftir tegundum þeirra.

Jafnframt verða reifuð dæmi frá Evrópska persónuverndarráðinu sem koma fram í nýjum leiðbeiningum ráðsins til að aðstoða ábyrgðaraðila við að meta hvenær nauðsynlegt er að tilkynna öryggisbrest til Persónuverndar og hvenær nauðsynlegt er að tilkynna öryggisbrest til hins skráða. Loks verða reifaðar þær tvær sektarákvarðanir sem Persónuvernd hefur lagt á ábyrgðaraðila vegna öryggisbresta.

Skráning á viðburðinn er hér.

 

Næsti fræðslufundur Félags um skjalastjórn verður haldinn þriðjudaginn 13. október kl. 12.

Kristín Ósk Hlynsdóttir, skjalastjóri hjá RANNÍS, ætlar að fjalla um skýjalausnir og Office 365.

Skjalastjórar standa nú frammi fyrir nýjum áskorunum vegna aukinnar notkunar skýjalausna en nú er einmitt verið að innleiða Office 365 skýjalausn Microsoft hjá fjölmörgum ríkisstofnunum.

Með Office 365 verður teymisvinna og skjalaumsýsla einfaldari með tólum eins og OneDrive, Teams og SharePoint. Þar með fær starfsfólk í hendurnar kærkomin tól sem einfalda fjarvinnu á tímum Covid-19.

Við innleiðinguna þurfa skjalastjórar að fá tækifæri til að koma að skipulagi og verkferlum sem eiga að gilda um upplýsingar í skýjalausnum.

Í ljósi aðstæðna, þá verður erindinu eingöngu streymt.

Skráning í streymi hér.


ATH: Félagsmenn þurfa að vera innskráðir til að geta skráð sig á viðburðinn

Hlökkum til að sjá ykkur!

Næsti fræðslufundur Félags um skjalastjórn verður haldinn fimmtudaginn 21. janúar kl. 15  á Teams.

thumbnail Anna Steinsen 1

Góð samskipti og gleði á krefjandi tímum. Anna Steinsen eigandi og þjálfari hjá KVAN fjallar um hvernig við getum nýtt okkur    einfaldar aðferðir við að halda í jákvæðni og gleði á krefjandi tímum og huga að jákvæðum samskiptum. Þessir þættir eru lykilatriði í því að ná árangri í lífi og starfi. 

Skráning á fræðslufundinn hér 

Ágætu félagar.

Stjórn Félags um skjalastjórn boðar til aðalfundar þann 10. september 2020 kl. 17.

Vegna covid-19 þá verður fundurinn að þessu sinni haldinn á Teams. Ekki þarf að vera með Teams uppsett á tölvu til að geta horft á fundinn. Hlekkur á fundinn verður sendur í gegnum fundarboð.

Hér að neðan má sjá dagskrá fundarins - endilega tilkynnið þátttöku ykkar sem fyrst með því að skrá ykkur á heimasíðunni okkar:

http://irma.is/index.php/events/event/51-streymi-adhalfundur-a-teams-10-september

Notendur þurfa að vera innskráðir til að geta skráð sig.

Dagskrá:
1. Skýrsla stjórnar.
2. Reikningar félagsins bornir upp til samþykktar.
3. Árgjald ákveðið.
4. Lagabreytingar.
5. Kosning stjórnar og varamanns.
6. Kosning tveggja skoðunarmanna reikninga.
7. Önnur mál.

Stjórnin leggur ekki til neinar lagabreytingar en ef einhver óskar eftir lagabreytingum, vinsamlegast hafið þá samband við stjórnina fyrir fundinn svo hægt sé að kynna þær.

Við munum nota litlar kannarnir til að samþykkja atriði fundarins.

Framboð í stjórn eru eftirfarandi:

  • Valey Jökulsdóttir býður sig fram sem formaður.
  • Már Einarsson býður sig fram sem varaformaður (og er þá einnig formaður fræðslunefndar).
  • Andrea Ásgeirsdóttir býður sig fram sem vefstjóra (og þá einnig sem formaður ritnefndar).
  • Elín Sigurðardóttir býður sig fram sem gjaldkera.
  • Lísbet Kristinsdóttir býðir sig fram sem meðstjórnanda.
  • Hulda Bjarnadóttir býðir sig fram sem ritara.

Framboð í nefndir:

  • Þorgerður Magnúsdóttir býður sig fram í fræðslunefnd.
  • Jóna Kristín Ámundadóttir býður sig fram í ritnefnd.

Við hlökkum til að sjá sem flesta,
kveðja stjórnin.

Næsti fræðslufundur Félags um skjalastjórn verður haldinn þriðjudaginn 17. nóvember kl. 12 í gegnum netið.

Að þessu sinni ætlum við að fræðast um persónuvernd og áhættumat sem framkvæma þarf í tengslum við m.a. tölvuforrit.

Jón Kristinn Ragnarsson verður með okkur og nefnist erindi hans "Samstarfs sveitarféalga í áhættumatsvinnu og hvernig það getur nýst á fleirum sviðum".

Jón Kristinn starfar sem ráðgjafi í áhættustýringu og persónuvernd og hefur gert um nokkurra ára skeið.  Seinustu ár hefur hann unnið hjá eigin fyrirtæki en fyrir það meðal annars hjá Capacent og Þekkingu. 

Í sumar vann hann að samstarfsverkefni sveitarfélaga á höfuðborgarsvæðinu þar sem smáforrit til kennslu voru áhættumetin.  Hann ætlar að segja frá því verkefni og möguleikum í framhaldi.

Skráning á fræðslufundinn hér 

Kæru ráðstefnugestir,

Nú styttist í ráðstefnu Félags um skjalastjórn sem haldin verður nk. föstudag, 13. mars.

Í ljósi þess að mörg fyrirtæki og stofnanir hafa gefið út tilmæli til síns starfsfólks að vera ekki að mæta á stóra viðburði hefur ráðstefnunefndin í samráði við stjórn félagsins ákveðið að ráðstefnan verði eingöngu send út í streymi. Við hörmum að geta ekki hitt ykkur í eigin persónu en teljum að þetta sé besta lausnin í ljósi aðstæðna.

Ráðstefnugjaldið mun einnig taka breytingum sem endurspeglar breytt fyrirkomulag. Þegar nær dregur munum við senda út hlekk á streymið.

Ef þið hafið einhverjar spurningar þá endilega komið þeim á framfæri við okkur í ráðstefnunefndinni.

Með bestu kveðju, Svava Halldóra Friðgeirsdóttir, Hulda Bjarnadóttir og Karen Gyða Guðmundsdóttir This email address is being protected from spambots. You need JavaScript enabled to view it.

Copyright © 2016 IRMA. All Rights Reserved. Hönnuð af Davið og Golíat.

Félag um skjalastjórn kt. 580189-2029 Pósthólf 8731, 128 Reykjavík